《FIFA 20》 FUT 球員短評 : BUTRAGUENO 布達堅奴 (87)

FIFA 20 FUT 球員評價

大家好,我係飛機仔,第一次同大家見面,希望各位喜歡我嘅點評又或者對點評有任何疑問都可以喺下面留言,我哋好樂意回答大家問題。

《FIFA 20》FUT Icon Swaps 第 2 階段 已經開始咗兩星期,相信好多 FUT 玩家都好努力去完成任務,但當所有 Swaps 卡到手果時又煩惱應該去換咩 Icon球員先最好呢? 就因為咁,筆者希望用簡短精要既短評去幫吓大家喺一大堆嘅 Swaps Icon 揀出心頭好。

今日頭炮要點評嘅球員就係西班牙傳奇球星布達堅奴。

價值 : 1.2M (筆者執筆之時)

球員優點 :

– 敏捷
– 運球帶波
– 埋門能力
– 5* 左右腳

球員缺點 :

– 力量
– Med 進攻效率
– 3* 腳法

首選 Chemistry 卡 : Hunter ( 獵人 )

短評

喺現時遊戲改到第 6 個版本,前線入球仍然賴以速度+靈活,所以布達堅奴嘅速度、靈活同把握力一定適合現時嘅遊戲環境,但玩家打法上一定要留意,事關佢得 1 米 68,力量得 61,基本上有人一拍埋嚟就會甩波,所以打法上都盡量要同對方保持距離又或者多以直線同過頭波去用速度屈對手。

另一方面,因為佢進攻嘅 work rate 只係 Medium,打箭頭嘅時候未必會好積極去突破越位,要利用佢嘅速度同靈活的話,喺進攻指令上要安排佢跑去防守球員身後,另外可以多運用 L1 指向佢叫佢走位。 

實力 : 9/10

布達堅奴一定 Fit 到宜家嘅遊戲環境,不論速度同埋門都有保證,最重要喺對 5 星腳,喺前線搵到機會就可以毫不考慮轟埋去。而且食咗hunter 卡之後速度同埋門數值基本上已經爆燈,可以取代到 8 , 9 成現時嘅前鋒球員。

抵換度 : 8.5 / 10 ( *可用至TOTY前 )

以19張 Swaps 卡去換,有人會覺得浪費咗5張冇用,但筆者覺得 EA 安排得只可以換到佢呢一隻就已經正正代表佢有返咁上下實力,而且好處係大家可以打少 5 張 Swaps 慳返好多力水,雖然筆者未評到 Crespo 同Kluivert,但都可以同大家講布達堅奴一定好過佢哋兩個,而且筆者認為換icon 唔係睇換到幾多隻而係睇價值,19 張 Swaps 卡換到一個價值 1.2M 嘅球員用到 TOTY 前其實絕對值得,慳返來嘅錢拎去提升其他位置球員嘅實力就一舉兩得。